Mihemmed Pêxember

Hz. Mihemmed Sela Allah Aleyh We Sellem, (Muhammed bin Abdullah bin Abd al-Muttalib bin Haşîm bin Abd Manaf al-Qureyşî) di sala 571 da li bajarê Mekkê hatiye dinê û di sala 632 da jî li Medînê da çûye ser heqîya xwe . Hz. Mihemmed (S.A.W) pêxemberê Xwedê yê dawîyê ye.

Gotînên Mihemmed Pêxember (Hedîs)

1- Pêxember (s.a.a.) kerem kirîye: “ Dema mesele ji bona hewe wek şevên tarî û zulmet lê hatin, vêca xwe bi Qur’anê bigirin; çiku bi rastî ew mehderkareke ku mehdera wê hatîye qebûlkirin û arîkareke ku duristîya wê kifşe ye. Ew kesê ewê bo xwe bike pêşkar wê ewî bibe bihiştê û ewê Qur’anê dayne piş xwe, wê ewî bi alîyê dojê ve bajo.” Newadira Rawendî, r. 21

2- Pêxember (s.a.a.): “Xwe bi Qur’anê bigirin, vêca ewê ji bona xwe bikin imam û pêşkar.” Kenz ul-‘Ummal, hedîs 4029

3- Pêxember (s.a.a.): “Seratîya Qur’anê li ser axiftinên dî wek seratîya Xuda ye digel ser mexlûqê wî.” Bihar, c.92, r.19

4- Pêxember (s.a.a.): Qur’an dewlemendîyek e ku ser wê ra dewlemendî nîne û paş hebûna wê hêdî feqîretî nîne.” Bihar, c.92, r.19

5- Pêxember (s.a.a.): “Ew kesê Qur’an jê re bê dayîn û goman bikê tiştek mezintir ji wê hatîye danîn bo kesek dî, bi heqîqet, ew ya piçûk mezin girtîye û ya mezin piçûk hasab kirîye.” Me’anî el-Exbar, r.279

6- Pêxember (s.a.a.): “Kesê zanîna yên ewil û axir bivê bila llêkolînên li Qur’anê da bikê (û bi bîr û hizr berê xwe bidê).” Kenz ul-‘Ummal, hedîs 2454

7- Pêxember (s.a.a.): “Qencên hewe ew in yên Qur’anê fêr dibin û Qur’anê hînê xelkê dikin.” Bihar, c.92, r.186

8- Pêxember (s.a.a.): “Kesê Qur’anê bixûne, jê ra tê gotinê: “Bixûne û bilind bibe, bi –tertîl- bixûne wek çawa te li dinyayê  bi –tertîl- dixwenda, cîhê te li bal wê ayeta paşî ye ewa te dixwenda.” Kenz ul-‘Ummal, hedîs 2330

9- Pêxember (s.a.a.): “Hîn bibin xendina Qur’anê û ewê pir bixûnin.” Kenz ul-‘Ummal, hedîs 2368

10- Pêxember (s.a.a.): “Ewê kesekî bi’elimîne Qur’anê ew dibe mezinê wî, bi xwe çênabe xwe ewî tenê bihêle û xwe ser wî ra bigire.” Kenz ul-‘Ummal, hedîs 2382

11- Pêxember (s.a.a.): Kesê Xuda jiberkirina kitêba xwe kiribe behra wî vêca ew goman bike tiştek ji ya wî seratir dest kesekî ketîye, bê şik nîmeta mezintir kên kirîye.” Kenz ul-‘Ummal, hedîs 2317

12- Pêxember (s.a.a.): “Ewê hinek ji Qur’anê li dilê wî da nebe, ew wek mala xirab e.” Kenz ul-‘Ummal, hedîs 2478

13- Pêxember (s.a.a.): “Çiqa xirab e, kesek ji hewe bêje: “Min filan û bêhvan ayet ji ber kir. Ne, belkî ew hatîye jiberkirin. Qur’anê bînin bîra xwe, vêca ez bi wî kim ewê canê min di destê wî da derketina Qur’anê ji dilê zilaman dijwartir e û bi zehmettir e ji derketina devan ji kabkê wan.” Kenz ul-‘Ummal, hedîs 2850

14- Pêxember (s.a.a.): “Ragirên Qur’anê li ber rehmeta Xuda ne û nûra ilahê hatine nixûmandin.” Xisal, r.7

15- Pêxember (s.a.a.): “Eşraf û mezinên ummeta min hafizên Qur’anê û hogirên şevê ne (ehlê tehecudan).” Cam’i el-Exbar, r.115

16- Pêxember (s.a.a.): “Bi rastî hafizên Qur’anê ji her kesî musteheqtir e ku xef û eşkera j Xuda bitirse, û musteheqtirîn kes ji bona ragirtina nimêj û rojîgirtinê jî her hafizên Qur’anê ne.” Kafî, c.2, r.604

17- Pêxember (s.a.a.): “Ne layîqê hevalê Qur’anê ye ku tondîyê bie li barenberê kesê digel wî tondî kirî, ew kesê kelamê Xudê li dilê wî da çênabe bersiva cahilan bi cahilî bide.” Kenz ul-‘Ummal, hedîs 2347

18- Pêxember (s.a.a.): “Dema kesek ji hewe hez kir digel Xudayê xwe biaxive bila Qur’anê bixûne.” Kenz ul-‘Ummal, hedîs 2257

19- Pêxember (s.a.a.): “Bi rastî çawa hesin jeng digirin dil jî jengu dibin.” Pirsîn, gotin: “Ey Pêxemberê Xwed, jenga wê çawa jê tê birin?” Fermû: “Pê xwendina Qur’anê.” Kenz ul-‘Ummal, hedîs 2441

20- Pêxember (s.a.a.): “Muheqeq Qur’anêbixûne; çiku xendina Qur’anê kefareta goneha ye û paraztina ji agir û êmin bona ‘ezab e.” Bihar, c.92, r,17

21- Pêxember (s.a.a.): “Ey ewladê min! Xafil nebe ji xwendina; çik bi rastî Qur’an dik dijîne û nehyê dike ji pîsatî û ne hez û zilmê.” Kenz ul-‘Ummal, hedîs 4032

22- Pêxember (s.a.a.): “Her tistekî xemlek heye û xemla Qur’anê jî dengê xweş e.” Kenz ul-‘Ummal, hedîs 2768

23- Ji Pêxember (s.a.a.) pirsiyar kirin: “Xwesşdengtirîn kes bo xwendina Qur’anê çi kes e?” Kerem kir: “Ew e yê dema tu dengê xwendina wî goh lê bibî pê biheshên ku bi rastî ji Xudê ditirse.” Bihar, c.92, r.190

24- Pêxember (s.a.a.): “Qur’anê bi xwem bixûnin; çiku bi wê pêkê nazil bûye.” Kenz ul-‘Ummal, hedîs 2777

25- Dema ji Pêxember (s.a.a.) pirsiyar kirin: “ Qiraeta kî ji hemîyan xweştir e?” Kerem kir: “Ewê dema tu xwendina wî goh lê dibî, tu dibînî bi rastî ji Xuda ditirshê.” Kenz ul-‘Ummal, hedîs 4143

26- Pêxember (s.a.a.): “Hene ew qur’anxûnên Qur’an l’enetê li wan dike.” Bihar, c.92, r.184

27- Pêxember (s.a.a.): “Tu hingê qur’anxûnî ku (ji bê emrî yên wê) bêy paşnedan, eger te nede paş, tu ne qur’anxûnî.” Serha Nehc ul-Belaxe ya Ibnê Hedîd, c.10, r.23

28- Pêxember (s.a.a.): “Di dojê da aşek ji hesin heye ku serî qarî û ‘alimên gonehkar dihêre.”ŞCam’i ul-Exbar, r.120

29- Pêxember (s.a.a.): “Bizanin heyhê! Kesê xudaxwaz be bila goh bide kelamê Xudê.” Cam’i ul-Exbar, r.120

30- Pêxember (s.a.a.): “Kesê li ayetek ya kitêba Xudê goh ragirê ji wî ra çend beraber xêr tên nivîsîn, û kesê ayetek ya kitêba Xudê bixûne wê roja qîyametê ewê jê ra bike ronahîyek.” Kenz ul-‘Ummal, hedîs 2472

31- Pêxember (s.a.a.): “Xweda gotîye: “Bawerî bi min ne anîye ewê bi raya xwe gotina min tefsîr bike.” Kenz ul-‘Ummal, hedîs 2316

32- Pêxember (s.a.a.): “Ji bona ummeta xwe paş xwe tirsa min pitir ji wî kesî ye ewê Qur’anê ne li cîhê wê da (ne durist) tewîl bike.” Munyet ul-Murîd, 369